DİVAN-I HULUSİ-İ DARENDEVİ

Muhabbet âşıkın cân nakdidir cânâna lâyıksa

Visâlin arz eder ma'şûku âşık câna lâyıksa

Muhabbet âşıkın cân nakdidir cânâna lâyıksa

Visâlin arz eder ma'şûku âşık câna lâyıksa

 

Gedâ oldur ki şâhın âsitânından çevirmez yüz

Verir sultân olan bir bendene ihsâna lâyıksa

 

Girip mey-hâneye pîr-i meye ol bende-i sâdık

Sunar sâkî sana mey-hânede peymâne lâyıksa

 

Gözet âdâb-ı Hakkı âşinâ-yı Hakk olandan ol

Budur âlemde hoş hulk u edeb insâna lâyıksa

 

Tabîb-i hâzıkı bul yâreni arz eyle teslîm ol

Anı tîmâr eder ne vech ile dermâna lâyıksa

 

Mukayyed eylemezler âkıllı zincîr-i sevdâya

Ser-i sevdâ-yı zülfe baðlanır dîvâne lâyıksa

 

Kişiye menfaat vermez metâ'-ı âlem-i sûret

Harâb olsa alırlar dergeh-i sultâna lâyıksa

 

Neden feryâdı dinmez bülbülün firkatden âh eyler

Cemâlin arz eder gül bülbül-i nâlâna lâyıksa

 

Hulûsî âlem-i hayret imiş cânân ile vuslat

Yetirmekmiş özün gayrı koyup hayrâna lâyıksa